Festa solidaria FITAS DO VENTO.
Monte Alto comezou a súa relación coas escolinhas de Tete en Mozambique en 2017. Desde ese ano e ata hoxe as nosas colaboracións coas persoas que rexentan e dirixen escolinhas para nenos nesta cidade africana centráronse en ofrecer orientación sobre actividades, materiais e recursos así como experiencias nas que a música está sempre presente.
Outras escolas municipais iniciaron esta experiencia colaborativa que ao longo dos anos foi cambiando de obxectivos pero mantendo a infancia e os seus dereitos como eixo dos proxectos.
Nesta festa escoitaredes voces e ritmos coñecidos por todos na escola, así como a canción que move as cintas de vento que foron o inicio do noso encontro coas escolinhas de África.
