A tenda de Antón é unha iniciativa educativa creada no ámbito da educación infantil que se desenvolve baixo un enfoque globalizador e transversal da aprendizaxe.
Baséase en propoñer que a través do xogo se despreguen múltiples competencias que favorezan o desenvolvemento de capacidades e habilidades de gran valor nos primeiros anos da infancia; como, entre outras, as relacionadas coa competencia en autonomía e iniciativa persoal, favorecendo situacións nas que cada neno teña que tomar iniciativa, resolver problemas, facer preguntas e ofrecer respostas.
Esta experiencia proponlle ao neno asumir responsabilidades e comunicar desexos e necesidades. Así mesmo, desenvólvese a competencia de interacción co mundo físico e cun contorno no que están presentes persoas doutras idades, culturas, profesións e condicións. Forman un grupo vinculado á saúde e ao benestar.
